Azərbaycan neftinin qiyməti 116 dolları ötüb

Dünya bazarında "Azeri Light" markalı neftin qiyməti artıb. Azərbaycan neftinin 1 barelə olan qiyməti 3,75 faiz və ya 4,2 dollar artaraq 116,1 dollar təşkil edib.

Xatırladaq ki, bu ilin fevral ayının nəticələrinə əsasən, dünya bazarında "Azeri Light" markalı neftin 1 barelinin orta qiyməti 98,72 ABŞ dollarına bərabər olub. Bu, 2021-ci ilin fevral ayının göstəricisi ilə müqayisədə 35,98 dollar və ya 57,3 çoxdur. Bu ilin yanvar ayı ilə müqayisədə isə fevralda Azərbaycan neftinin 1 barelinin orta qiyməti 9,32 dollar və ya 10,4 faiz artıb.