Hindistanda daha 3,2 min nəfərdə koronavirus aşkarlandı

Hindistanda son sutka ərzində koronavirusa yoluxanların sayı 3,2 min nəfər artaraq 62 939-a yüksəlib. DAİM.AZ “Qafqazinfo”yə istinadən bildirir ki, bu barədə ölkənin Səhiyyə və Ailə Rifahı Nazirliyi məlumat yayıb.

Qurumdan bildirilib ki, ölkədə hazırda 41 472 pasiyentin müalicəsi davam etdirilir. Daha əvvəl koronavirusa yoluxmuş 19 357 nəfər sağalıb (son sutkada 1 511), 2 109 nəfər vəfat edib (son sutkada 128).  

Yoluxma hallarının çoxu Maxaraştra (20 228, son sutkada 1 165), Qudcarat (7 796, son sutkada 394) ştatlarında, eləcə də paytaxt Dehli ərazisində (6 542, son sutkada 224) qeydə alınıb.