Lavrov: “Qərb bizi aldatdı və yenidən döyüşməyə məcbur etdi”

Qərb Ukrayna münaqişəsinin döyüş meydanında həllini istəyirsə, o zaman “döyüş meydanında olacaq”.

Reyting.az xəbər verir ki, bunu yenidən Rusiya Federasiyasının xarici işlər naziri təyin edilən Sergey Lavrov deyib.

Nazir Rusiyanın təkcə sözdə deyil, həm də əməldə danışıqlara hazır olduğuna işarə edib. “Biz İstanbulda paraflanmış sənədi imzalamaqdan və bununla da Ukraynanın sponsorlarının indi etiraf etdiyi kimi, Ukrayna üçün çox əlverişli şərtlərlə xüsusi hərbi əməliyyatı başa çatdırmağa həqiqətən bir addım qalmışıq”, - Lavrov əlavə edib.

Onun sözlərinə görə, bu hadisə Rusiya rəhbərliyinin Qərbin əvvəlki çoxsaylı aldatmalarına baxmayaraq, yenə də inanmaq və xoş niyyət nümayiş etdirmək qərarına gəldiyi sonuncu hal olub: “Onlar bizi yenə aldatdılar, yenidən döyüşməyə məcbur etdilər”.

E. KAMAL